• A A A

    Steuergesetz

    Art. 6 
    A persunas chi s’haun acquistedas merits speciels per la vschinauncha da Madulain po gnir concedieu il vschinedi d’onur. 
        
    Art. 7  
    Insembel cul genitur vain er concedieu il vschinedi – arsalv l’alinea 2 – ad iffaunts minorens chi staun suot sia autorited.
    Tal conceder vschinedi d’onur ho da gnir decis explicitamaing scha’ls iffaunts sun inclus. Per includer iffaunts suot 16 ans, fo que dabsögn da l’acconsentimaint da las persunas chi exerciteschan la pussaunza genituriela, tar tels sur 16 ans da quel da l’iffaunt. 
        
    Art. 8  
    La dumanda per gnir admiss scu vschin da Madulain es d’inoltrer in scrit a la suprastanza.
    A    la dumanda sun d’agiundscher:
    a)    ils documaints davart il stedi civil ed eventuelmaing il stedi familier;
    b)    ils attestats da domicil scu pretais i’l art. 3 resp. 4;
    c)    il cuors da vita;
    d)    l’attestat da bun deport pels ultims trais ans, emiss da las vschinaunchas da domicil;
    e)    ün extrat dal register penel;
    f)     ün extrat dal register fiscal;
    g)    l’acconsentimaint dals genituors (per candidats minorens);
    h)    l’acconsentimaint da l’avuo e da la cumischiun d’avuadia (per candidats suot avuadia);
    i)     l’acconsentimaint da las autoriteds federelas (per esters).
    Pel conceder vschinedi d’onur confuorm a l’art. 6 nu faun dabsögn ils attestats tenor alinea 1 custabs c fin f. 
        
    Art. 9  
    1.  La suprastanza examinescha dalum mincha dumanda per gnir piglio sü il vschinedi e pretenda ils documaints necessaris.
    2.  Scha las premissas leghelas sun accumplidas, suottametta ella a la radunanza da la Corporaziun vschinela la dumanda, arsalv l’art 3, cun sia arcumandaziun chi vess eir da manzuner l’import da la taxa. La votaziun per conceder il vschinedi stu gnir fatta per scrutin e separedamaing per mincha singul u mincha famiglia. La decisiun vain tratta cun magiurited da vuschs. In cas d’egualited da vuschs es la dumanda accepteda.
    3.  La dumanda per gnir admiss scu vschin da Madulain cunfuorm a l’art. 4 vain examineda e constateda da la suprastanza da vschins. Scha la dumanda vegn sbütteda, as stu der al candidat la pussibilted in fuorma scritta, da fer recuors infra 20 dis al tribunel d’administraziun. 
        
    Art. 10  
    La decisiun da la radunanza da vschins (art. 9 alinea 2) o da la suprastanza (art. 9 alinea 3) stu gnir comunicheda al candidat in fuorma scritta.
    Scha vain aderieu a la dumanda, es da trametter la decisiun eir a l’autorited chantunela da survagliaunza i’l stedi civil, agiundschand ils attestats tenor art. 8. Quella iniziescha eventuelmaing il conceder da vschinedi chantunel e publichescha las comunicaziuns ufficielas necessarias. 
        
    Art. 11  
    Scha’l candidat nun es auncha in possess dal vschinedi chantunel, schi aintra in vigur il vschinedi cumünel a listess mumaint scu quel chantunel, in oters cas cun la decisiun d’inscripziun da l’Uffizi da survagliaunza i’l stedi civil. 
        
    Art. 12  
    Il relasch dal vschinedi da Madulain as drizza tenor art. 29 ss da la ledscha chantunela da vschinedi. Dumandas correspundentas sun da drizzer a l’Uffizi chantunel da survagliaunza i’l stedi civil.  
        
    Art. 13  
    L’uorden da conceder vschinedi aintra in vigur zieva l’appruvaziun da la radunanza dals vschins dals 22 october 2001 scu eir zieva l‘appruvaziun da la Regenza e rimplazza eventuels uordens già existents. 
       
    Madulain, ils 22 october 2001 
        
    Corporaziun vschinela Madulain

    Il president
    Johannes Etter

    L’actuara
    M. Martinazzoli


    Corporaziun


    Corporaziun

    Corporaziun vschinela Madulain
    Uorden da conceder vschinedi

    Art. 1 
    I‘l vschinedi da la vschinauncha da Madulain paun gnir piglios sü vschins dal chantun e vschins svizzers scu eir vschins d’oters pajais e persunas sainza naziunalited, premiss cha vegnan accumplidas las cundiziuns da la ledscha federela, chantunela e cumünela. 
        
    Art. 2 
    Il vschinedi da Madulain po be gnir concedieu u impromiss a persunas chi peran dad esser adattedas, zieva avair examino lur relaziuns persunelas, impustüt lur vita precedainta e la basa existenziela. Ils candidats haun impü dad esser integros illa cumünaunza locala ed attachos a la populaziun indigena.
    Il vschinedi po be gnir concedieu a persunas chi nu sun in possess da dapü cu ün ulteriur vschinedi cumünel svizzer. 
        
    Art. 3 
    vIl vschinedi po be gnir concedieu – tenor l’art. 9 da la ledscha chantunela da vschinedi – a persunas chi haun lur domicil a Madulain.
    In cas speciels conceda la corporaziun vschinela il vschinedi a persunas chi paun musser sü strettas relaziuns cun la vschinauncha. 
        
    Art. 4 
    Vschins svizzers chi vivan daspö 15 ans e vschins d’oters pajais chi vivan daspö 20 ans sainz’interrupziun illa vschinauncha da Madulain haun il dret da s’acquister il vschinedi, scha las premissas i’l sen da l’artichel 2 sun avauntmaun.
    Ün ester chi’d es naschieu in Svizra, ho il medem dret cun las listessas premissas zieva üna dmura na interruotta da 16 ans illa vschinauncha da Madulain.
    Ad üna persuna d’ün oter pajais chi marida ün vschin/vschina da Madulain po gnir concedieu il vschinedi da Madulain zieva 5 ans. 
        
    Art. 5 
    Per conceder il vschinedi a Svizzers vain inchascheda üna taxa da 1000 francs e per esters üna tela da 3000 francs per persuna/famiglia. In quista taxa sun inclus iffaunts minorens.
    La taxa po gnir redotta fin il 50 % tar üna dmura da sur 25 ans in vschinauncha u tar üna situaziun finanziela stretta.
    A famiglias u persunas chi dmuran dapü cu 35 ans a Madulain vain concedieu il vschinedi sainza remuneraziun.
    Tar la concessiun dal vschinedi d’onur nu vain inchargeda üngüna taxa.
    La taxa dal conceder vschinedi vain inchascheda da la vschinauncha politica. 
        
    Art. 6 
    A persunas chi s’haun acquistedas merits speciels per la vschinauncha da Madulain po gnir concedieu il vschinedi d’onur. 
        
    Art. 7  
    Insembel cul genitur vain er concedieu il vschinedi – arsalv l’alinea 2 – ad iffaunts minorens chi staun suot sia autorited.
    Tal conceder vschinedi d’onur ho da gnir decis explicitamaing scha’ls iffaunts sun inclus. Per includer iffaunts suot 16 ans, fo que dabsögn da l’acconsentimaint da las persunas chi exerciteschan la pussaunza genituriela, tar tels sur 16 ans da quel da l’iffaunt. 
        
    Art. 8  
    La dumanda per gnir admiss scu vschin da Madulain es d’inoltrer in scrit a la suprastanza.
    A    la dumanda sun d’agiundscher:
    a)    ils documaints davart il stedi civil ed eventuelmaing il stedi familier;
    b)    ils attestats da domicil scu pretais i’l art. 3 resp. 4;
    c)    il cuors da vita;
    d)    l’attestat da bun deport pels ultims trais ans, emiss da las vschinaunchas da domicil;
    e)    ün extrat dal register penel;
    f)     ün extrat dal register fiscal;
    g)    l’acconsentimaint dals genituors (per candidats minorens);
    h)    l’acconsentimaint da l’avuo e da la cumischiun d’avuadia (per candidats suot avuadia);
    i)     l’acconsentimaint da las autoriteds federelas (per esters).
    Pel conceder vschinedi d’onur confuorm a l’art. 6 nu faun dabsögn ils attestats tenor alinea 1 custabs c fin f. 
        
    Art. 9  
    1.  La suprastanza examinescha dalum mincha dumanda per gnir piglio sü il vschinedi e pretenda ils documaints necessaris.
    2.  Scha las premissas leghelas sun accumplidas, suottametta ella a la radunanza da la Corporaziun vschinela la dumanda, arsalv l’art 3, cun sia arcumandaziun chi vess eir da manzuner l’import da la taxa. La votaziun per conceder il vschinedi stu gnir fatta per scrutin e separedamaing per mincha singul u mincha famiglia. La decisiun vain tratta cun magiurited da vuschs. In cas d’egualited da vuschs es la dumanda accepteda.
    3.  La dumanda per gnir admiss scu vschin da Madulain cunfuorm a l’art. 4 vain examineda e constateda da la suprastanza da vschins. Scha la dumanda vegn sbütteda, as stu der al candidat la pussibilted in fuorma scritta, da fer recuors infra 20 dis al tribunel d’administraziun. 
        
    Art. 10  
    La decisiun da la radunanza da vschins (art. 9 alinea 2) o da la suprastanza (art. 9 alinea 3) stu gnir comunicheda al candidat in fuorma scritta.
    Scha vain aderieu a la dumanda, es da trametter la decisiun eir a l’autorited chantunela da survagliaunza i’l stedi civil, agiundschand ils attestats tenor art. 8. Quella iniziescha eventuelmaing il conceder da vschinedi chantunel e publichescha las comunicaziuns ufficielas necessarias. 
        
    Art. 11  
    Scha’l candidat nun es auncha in possess dal vschinedi chantunel, schi aintra in vigur il vschinedi cumünel a listess mumaint scu quel chantunel, in oters cas cun la decisiun d’inscripziun da l’Uffizi da survagliaunza i’l stedi civil. 
        
    Art. 12  
    Il relasch dal vschinedi da Madulain as drizza tenor art. 29 ss da la ledscha chantunela da vschinedi.

    Dumandas correspundentas sun da drizzer a l’Uffizi chantunel da survagliaunza i’l stedi civil.

    Art. 13
    L’uorden da conceder vschinedi aintra in vigur zieva l’appruvaziun da la radunanza dals vschins dals 22 october 2001 scu eir zieva l‘appruvaziun da la Regenza e rimplazza eventuels uordens già existents.

    Madulain, ils 22 october 2001 
    Corporaziun vschinela Madulain

    Il president
    Johannes Etter

    L’actuara
    M. Martinazzoli

Chesa Cumünela 7523 Madulain
Öffnungszeiten Gemeinde Madulain
  • Mo – Fr 09:30 Uhr – 11:30 Uhr
Öffnungszeiten Tourist Information
  • Mo 09:00 Uhr – 11:30 Uhr
  • Di 15:00 Uhr – 17:00 Uhr
  • Do 09:00 Uhr – 11:00 Uhr
  • Fr 15:00 Uhr – 17:00 Uhr